Politika e privatësisë

Metodat e pagesës që ofrohen në një moment të caktuar shfaqen në checkout dhe te Metodat e pagesës. Pagesa në dorëzim dhe transferta bankare nuk përfshijnë asnjë të dhënë kartele.

Pagesa me kartelë, kur ofrohet (në plutoni.store dhe në aplikacionin Plutoni për Android), përpunohet nga RaiAccept. Të dhënat e kartelës (numri, data e skadencës, CVV-ja) i shkruani drejtpërdrejt në formularin e pagesës së RaiAccept — brenda faqes së pagesës së Plutonit ose në faqen e bankës, e cila në aplikacion hapet në një dritare të shfletuesit — dhe jo në formularët e Plutonit. Plutoni nuk e merr, nuk e sheh dhe nuk e ruan numrin e plotë të kartelës ose CVV-në.

Nga banka marrim dhe ruajmë me porosinë vetëm atë që na duhet për ta konfirmuar dhe për ta trajtuar pagesën: statusin e saj (p.sh. në pritje, e refuzuar, e anuluar, e paguar, e rimbursuar), referencat e porosisë dhe të transaksioneve te banka (pagesa dhe çdo rimbursim), shumat dhe valutën, dhe kodin e arsyes kur një kartelë refuzohet. Këto ruhen si pjesë e të dhënave të porosisë.

Ruajtja e kartelës për blerje të ardhshme nuk ofrohet aktualisht.

Ndajmë të dhëna vetëm aq sa nevojitet për të kryer shërbimin:

• Dyqani partner që e shet produktin — emrin, telefonin, adresën e dërgesës dhe artikujt e porosisë, që ta përgatisë dhe ta dorëzojë vetë, si dhe të dhënat e faturimit për faturën fiskale.
• RaiAccept — shërbimi i pagesave me kartelë që Plutoni e përdor sipas marrëveshjes me Raiffeisen Bank Kosovo J.S.C., kur ofrohet pagesa me kartelë: shumën, valutën dhe numrin e porosisë, përshkrimin e artikujve, dhe të dhënat e kontaktit të porosisë (emrin, email-in, telefonin dhe adresën e dërgesës/faturimit). Të dhënat e kartelës ia jepni drejtpërdrejt RaiAccept-it në formularin e tij.
• Resend — adresën tuaj të email-it dhe përmbajtjen e njoftimit, për dërgimin e konfirmimeve dhe njoftimeve të porosisë.
• OpenAI — vetëm mesazhet që shkruani në chat-in e mbështetjes, kur asistenti i inteligjencës artificiale është aktiv.
• Meta Platforms — vetëm nëse pranoni cookies e marketingut: aktivitetin në faqe dhe, kur përfundoni një porosi, ngjarjen e blerjes; shih Politikën e cookies.
• Google ose Facebook — vetëm nëse zgjidhni të hyni me llogarinë tuaj te ta.
• Cloudinary — shërben imazhet dhe videot e produkteve; kur i shikoni, shfletuesi juaj mund t'i ngarkojë disa prej tyre drejtpërdrejt prej tij. Nuk i dërgojmë të dhënat e porosive tuaja.
• Ofruesi i serverit (hosting) ku funksionon platforma dhe ruhen të dhënat.
• Ofruesi i ruajtjes në cloud ku ruhen kopjet rezervë (backup) të bazës së të dhënave, të koduara para se të dërgohen.

Platforma përdor edhe ofrues të vendosur jashtë Kosovës. Serveri ku funksionon platforma ndodhet në Gjermani dhe kopjet rezervë të koduara ruhen te një ofrues jashtë Kosovës. Resend, OpenAI, Meta, Google, Facebook dhe Cloudinary janë ofrues me seli jashtë Kosovës. Me secilin ndahen vetëm kategoritë e të dhënave të përshkruara më sipër.

Chat-i i mbështetjes funksionon në serverët e vetë Plutoni (Chatwoot, i instaluar dhe i menaxhuar nga ne), jo te një ofrues i jashtëm i chat-it. Kategorizimi automatik i produkteve bëhet me të dhëna të katalogut dhe nuk përdor të dhëna të klientëve.

Nuk i shesim dhe nuk i japim me qira të dhënat tuaja.